Gazi Natyror

Përveç qymyrit, gazi natyror është e vetmja formë primare e energjisë që mund të përdoret pa përgatitje paraprake. Me futjen e gazit natyror në impiantet industriale dhe energjetike krijohen kushtet për automatizim maksimal të proceseve të energjisë termike, ekonomi më të madhe në konsumin e energjensit, rritje të produktivitetit të punës, ulje të kostove të mirëmbajtjes për pajisjet investuese etj. Përdoret në termocentralet dhe industrinë (për nevoja teknologjike, procesore dhe energjetike, prodhimin e energjisë elektrike në impiantet e gazit të kogjenerimit), në amvisëri (për gatim, sigurimin e ujit të ngrohtë për nevoja sanitare, ngrohje dhe ftohje) dhe në sektorin e transportit si karburant për lloje të ndryshme të mjeteve motorike. Me një fushatë mediatike të dizajnuar mirë për avantazhet e gazit natyror në raport me energjensë të tjerë, edukimin dhe justifikimin ekonomik të investimeve për lidhjen me sistemin, realizimi i projektit për shfrytëzimin e gazit natyror është praktikisht realitet. Cili do të jetë përdorimi i gazit natyror në të gjitha sferat e jetesës varet nga shkalla e zhvillimit të sektorit të energjisë, lartësia e standardit, gatishmëria për të përdorur gazin natyror si në industri ashtu edhe në amvisëri. Të gjithë këto faktorë janë element i rëndësishëm në zhvillimin e sistemit të transmetimit të gazit natyror.