Nëpunës për harmonizim

Zyrtari emërohet nga anëtarët joekzekutivë të bordit të drejtorëve të NOMAGAS SHA Shkup, pas miratimit
paraprak nga Komisioni Rregullator për Energjetikë.

Miratim nga KRRE për zyrtarin e pajtueshmërisë

Zyrtari vazhdimisht e monitoron pajtueshmërinë e punës së NOMAGAS SHA Shkup me Ligjin për Energjetikë dhe me Programin për Pajtueshmëri të NOMAGAS SHA Shkup në lidhje me obligimet që dalin nga ndarja pronësore, Statuti i NOMAGAS SHA Shkup dhe Rregullorja për kushtet dhe mënyrën e punës së zyrtarit për pajtueshmëri, aktet ligjore dhe/ose nënligjore në fuqi që e rregullojnë fushën e veprimtarisë së tij, si dhe aktet e tjera të shoqërisë.

Zyrtari për pajtueshmëri e ndjek realizimin e Programit nga aspekti i:

– pavarësisë, transparencës, objektivitetit dhe paanshmërisë në punën e NOMAGAS SHA Shkup,

– njoftimit të Komisionit Rregullator për Energjetikë për shkelje të rëndësishme në zbatimin e programit të pajtueshmërisë,

– parandalimit të diskriminimit të përdoruesve të sistemit për transmetim të gazit natyror në çdo bazë,

– konfidencialitetit të të dhënave afariste të përdoruesve të sistemit për transmetim të gazit natyror,

– koordinimit dhe bashkëpunimit të NOMAGAS SHA Shkup me operatorë të tjerë të sistemeve për transmetim të gazit natyror,

– shkëmbimit të të dhënave me operatorët e sistemeve të tjera për transmetim të gazit natyror dhe pjesëmarrjes në punën e organizatave rajonale dhe ndërkombëtare,

– edukimit dhe informimit të anëtarëve të bordit të drejtorëve të NOMAGAS SHA Shkup dhe të punësuarve të NOMAGAS SHA Shkup në lidhje me veprimin në pajtim me parimet e pavarësisë, transparencës dhe paanshmërisë.

Fusha e punës së zyrtarit për pajtueshmëri është paraparë në:

– Rregulloren për kushtet dhe mënyrën e punës së zyrtarit për pajtueshmëri

– Programin për pajtueshmëri të NOMAGAS SHA Shkup në lidhje me obligimet që dalin nga ndarja pronësore

Zyrtari është i detyruar t’u dorëzojë anëtarëve joekzekutivë të bordit të drejtorëve të NOMAGAS SHA Shkup dhe Komisionit Rregullator për Energjetikë raporte vjetore për zbatimin e Programit për pajtueshmëri dhe për masat e ndërmarra për zbatimin e tij, si dhe për shkelje të rëndësishme gjatë zbatimit.